پاڵه‌وانێیه‌تی نازناوی یاریزانانی یانه‌كانی كیك بۆكیسنگی كوردستان به‌رێوه‌ده‌چێت

له‌ژێر چاودێری لێژنه‌ی ئۆلۆمپی هه‌رێمی كوردستان، به‌سه‌رپه‌رشتی یه‌كێتی ناوه‌ندی كیك بۆكسینگی كوردستان، پاڵه‌وانێیه‌تی نازناوی یاریزانان و یانه‌كانی كوردستان له‌سه‌ر ئاستی كوڕان به‌رێوه‌ده‌چێت.
پاڵه‌وانێیه‌تییه‌كه‌ به‌به‌شداری 15 یانه‌، كاتژمێر 3 ی ئێواره‌ی ئه‌مڕۆ پێنجشه‌ممه‌ 22 ى 9 ى 2022 له‌هۆڵی یانه‌ ئارارات له‌پیرمام ده‌ستپێده‌كات و سبه‌ی هه‌ینی 23 ى 9 ى 2022، قۆناغی كۆتایی پاڵه‌وانێتییه‌كه‌ به‌رێوه‌ده‌چێت.

به‌رێوه‌چوونى كاروچاڵاكی یه‌كێتییه‌ ناوه‌ندییه‌ وه‌رزشییه‌كان له‌ژێر چاودێری لێژنه‌ی ئۆلۆمپی هه‌رێمی كوردستان به‌رده‌وامه‌، ئه‌مه‌ش دوای ئه‌وه‌ی حكوومه‌تی هه‌رێمی كوردستان پاڵپشتی خۆی بۆ لێژنه‌ی ئۆلۆمپی دووپاتكرده‌وه‌ و بڕیاری خه‌رج كردنی بڕی 80 ملیۆن دیناری دا  كه‌ مانگانه‌ بدرێت به‌لێژنه‌ی ئۆلۆمپی هه‌رێمی كوردستان به‌مه‌به‌ستی به‌رێوه‌چوونى كاروچاڵاكی یه‌كێتییه‌ وه‌رزشییه‌كان.

راگه‌یاندنی لێژنه‌ی ئۆلۆمپی هه‌رێمی كوردستان