وەزارەتی شارەوانی ئاماژەی بەوە دا کە ڕەزامەندی خەرجکردنی گوژمەی زیاتر لە 87 ملیۆن دینار بۆ جێبەجێکردنی پڕۆژەی قیڕتاوكردنی شەقامی بنەسڵاوە-كەسنەزان.
وەزارەتی شارەوانی و گەشتوگوزار ڕایگەیاند: بە مەبەستی پەرەپێدانی پرۆژەكانی خزمەتگوزاری لە سنووری شار و شارۆچكەكانی سەر بە پارێزگەی هەولێر، ڕەزامەندی خەرجكردنی گوژمەیەك بە بڕی 87 ملیۆن و 399 هەزار دینار درا.
ڕاشیگەیاند: گوژمەكە لەسەر ڕێژەی 15%ـی داهاتی شارەوانی لەلایەن وەزارەتی شارەوانی و گەشتوگوزارەوە بە مەبەستی جێبەجێكردنی پڕۆژەی دروستكردنی شەقام و قیڕتاوكردنی شەقامی نێوان بنەسڵاوە-كەسنەزان لە گەڕەكی قەڵاتی نوێ لە سنووری سەرۆكایەتیی شارەوانیی بنەسڵاوە بڕیاری خەرجكردنی دراوە.
وەزارەتەکە ئاماژەی بەوەش داوە کە ئەو شەقامە هاتووچۆیەكی زۆری شوفێرانی نێوان هەردوو شارۆچكەی بنەسڵاوە و كەسنەزانی بەسەرەوەیە و دەبێتە ئاسانكارییەک بۆ دانیشتووانی سنوورەكە بە گشتی و تایبەتی گەڕەكی قەڵاتی نوێ كە كەوتووەتە نزیک شەقامەكە.
کۆمێنت (0)
تا ئێستا هیچ کۆمێنتێک نەکراوە.