وەزارەتی شارەوانی و گەشتوگوزار ڕایگەیاند، بە بەهای 137 ملیۆن دینار مەوادی گەنجینە بۆ ئاوی ڕاپەڕین دابین دەكرێت.
لە ڕاگەیەنراوێک وەزارەتی شارەوانی و گەشتوگوزار ڕایگەیاند: بە مەبەستی باشتر بەڕێوەچوونی كاروبارەكانی تایبەت بە سێكتەری ئاو لە سنووری ڕاپەڕین، وەزارەتی شارەوانی و گەشتوگوزار ڕەزامەندی نیشان دا بە خەرجكردنی گوژمەیەک بە مەبەستی كڕینی مەوادی گەنجینە بۆ بەڕێوەبەرایەتیی ئاوی ڕاپەڕین.
ڕاشیگەیاند: كۆی گوژمەكە بریتییە لە 137 ملیۆن و 343 هەزار دینار لەسەر ڕێژەی 17%ـی داهاتی ئاو لە سنووری بەڕێوەبەرایەتیی ئاوی ڕاپەڕین بە مەبەستی دابینكردنی مەوادی گەنجینە بڕیاری خەرجكردنی دراوە.
وەزارەتەکە ئاماژەی بەوەش داوە کە ئەو گوژمەیە بەپێی پلانی ساڵی 2022 بە گوێرەی یاسا و ڕێنماییەكانی دارایی تایبەت بە داهات خەرج دەكرێت.
کۆمێنت (0)
تا ئێستا هیچ کۆمێنتێک نەکراوە.