ئه‌مڕۆ دووشه‌م نرخی نه‌وت بۆ كه‌مترین ئاست له ماوه‌ی 9 مانگی ڕابردوو دابه‌زی به‌هۆی مه‌ترسییه‌كانی پاشه‌كشه‌ی نرخی دۆلار و سه‌پاندنی سزای نوێ به‌سه‌ر ڕووسیا.
دوای نیوه‌ڕۆی ئه‌مڕۆ دووشه‌م نرخی هه‌ر به‌رمیلێك نه‌وتی برێنت بۆ 84.51 دۆلار دابه‌زی و ئه‌مه‌ش كه‌مترین ئاستی نرخه له ڕۆژی 14ی مانگی یه‌كه‌می ئه‌مساڵه‌وه تۆمار ده‌كرێ.
نرخی نه‌وتی تێكساسی ئه‌مه‌ریكیش به‌هه‌مانشێوه به‌ره‌و نزمترین ئاست دابه‌زی و گه‌یشته 77.21 دۆلار بۆ هه‌ر به‌رمیلێك.
ئه‌مه له‌كاتێكدایه كه سه‌رله‌ئێواره‌ی ئه‌مڕۆ پێش داخستنی بازاڕه‌كان كه‌مێك به‌رزبوونه‌وه‌ی به‌خۆیه‌وه بینی و هه‌ر به‌رمیلێك نه‌وتی برێنت گه‌یشته‌وه 86.87 دۆلار، هه‌روه‌ها نه‌وتی تێكساسی ئه‌مه‌ریكیش بۆ 79.60 دۆلار به‌رزبووه‌وه.
جێی باسه له دوای ڕۆژی هه‌ینی ڕابردووه‌وه هه‌ردوو جۆری نه‌وته‌كه به ڕێژه‌ی 5% نرخه‌كه‌یان له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.