Erbil 38°C سێشەممە 24 ئەیلوول 08:18

سەرۆکی حکوومەت لەگەڵ وەبەرهێنەر و خاوەنکارانی زاخۆ کۆبووەوە

کوردستان TV
100%

سەرۆکی حکوومەتی هەرێمی کوردستان ئەمڕۆ سێشەممە 27ـی 09ـی 2022 لە شاری زاخۆ لەگەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

مەسرور بارزانی سەرۆکی حکوومەتی هەرێمی کوردستان لە کۆبوونەوەکەدا سوپاسی وەبەرهێنەران و خاوەنکارانی ناوچەکەی کرد کە هاوکارن لەگەڵ حکوومەتی هەرێمی کوردستان بۆ ئەنجامدانی چەندین پڕۆژەی گرنگ و ستراتیجی لە سنووری دەڤەرەکە.

سەرۆکی حکوومەت جەختیشی کردەوە کە حکوومەتی هەرێمی کوردستان ئامادەیە بۆ پێشکەشکردنی هەر کارئاسانییەک بۆ کەرتی تایبەت و وەبەرهێنەران، چونکە حکوومەت و کەرتی تایبەت تەواوکەری یەکترن، لەپێناو گەشەپێدانی زیاتری ئابووری هەرێمی کوردستان و ڕەخساندنی هەلی کار بۆ گەنجەکانمان.

مەسرور بارزانی دووپاتیشی کردەوە کە پێویستە پڕۆسەی وەبەرهێنان بە پێی پلان و پێداویستیی خەڵکی دەڤەرەکە بێت.

سەرۆکی حکوومەت ئاماژەی بەوەش دا کە ئامادەبووان پێزانینی خۆیان بۆ کارئاسانی و هەماهەنگیی حکوومەتی هەرێمی کوردستان دەربڕی و چەندین پێشنیار و ڕاسپاردەشیان بۆ برەودان بە پرۆسەی وەبەرهێنان و پێشخستنی ژێرخانی ئابووری هەرێمی کوردستان خستەڕوو.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.