ڕاگەیاندنی وەزارەتی شارەوانی و گەشتوگوزار رایگه‌یاند: دروستكردن و قیڕتاوكردنی شەقام و كۆڵانەكان لە كارە بەردەوامەكانی دامودەزگەكانی شارەوانییە، هاوكات نۆژەنكردنەوە و چاكسازیی شەقامەكان پێویستییەكی بەردەوامی شار و شارۆچكەكانە، بۆ ئەو مەبەستە تیمەكانی شارەوانی بەردەوام پرۆژەی چاكسازیكردن لە شەقامەكاندا جێبەجێ دەكەن.
بە مەبەستی بایەخدانی زیاتر بە شەقامە سەرەكییەكانی شارەزوور، وەزارەتی شارەوانی و گەشتوگوزار لەسەر ڕێژەی 200٪ی فرۆشتنی زەویی ڕوكنی شارەوانی لە چوارچێوەی پلانی ساڵی 2022، بەپێی ڕێنماییەكانی دارایی تایبەت بە داهات، بڕیاری دا بە خەرجكردنی گوژمەی (187،002،000) سەد و هەشتا و حەوت ملیۆن و دوو هەزار دینار بە مەبەستی جێبەجێكردنی پرۆژەی چاكسازیی بەشێك لە شەقامە سەرەكییەكانی ناوشار لە سنووری شارەوانیی شارەزوور.
بڕی 187 ملیۆن دینار بۆ چاكسازیی شەقامە سەرەكییەكانی شارەزوور خەرج دەكرێت
100%
کۆمێنت (0)
تا ئێستا هیچ کۆمێنتێک نەکراوە.