ئه‌مڕۆ پێنجشه‌م سه‌رۆكی حكوومه‌تی هه‌رێمی كوردستان پێشوازی له باڵیۆزی ڤاتیكان له عێراق و شاندێكی یاوه‌ری كرد.
مه‌سرور بارزانی سه‌رۆكی حكوومه‌تی هه‌رێمی كوردستان ڕایگه‌یاند كه ئه‌مڕۆ پێنجشه‌م پێشوازی لە مەتران میتیا لێسکۆڤار باڵیۆزی ڤاتیکان لە عێراق کردووه .
سه‌رۆكی حكوومه‌ت ڕاشیگه‌یاند: لە کۆبوونەوەکەدا بارودۆخی گشتیی عێراق و پەرەپێدانی پەیوەندییەکانی هەرێمی کوردستان و ڤاتیکانمان تاووتوێ کرد.
مه‌سرور بارزانی ئاماژه‌ی به‌وه‌ش دا كه باڵیۆزی ڤاتیکان سڵاو و ڕێز و سوپاس و پێزانینی قەداسەتی پاپای پێگەیاندین بۆ بەهاناوەچوون و میوانداریکردنی ئاوارە و پەنابەران بە گشتیی و کریستییانەکان بەتایبەتی، کە لە کەشێکی ئارام و ئاشتییانەدا لە هەرێمی کوردستان دەژین.
سه‌رۆكی حكوومه‌تی هه‌رێمی كوردستان جه‌ختیشی كرده‌وه كه لە دیدارەکەدا پابەندبوونی حکوومەتی هەرێمی کوردستانمان بە برەودان بە کولتووری لێبوردەیی و بەیەکەوەژیانی ئاشتییانەی نێوان پێکهاتە جیاوازەکان دووپات کردەوە.
کۆمێنت (0)
تا ئێستا هیچ کۆمێنتێک نەکراوە.