سەرۆکی ئەرکانی ئێران ئەمڕۆ هەینی 30ـی 09ـی 2022 هۆشداری دەداتە ئەمریکا لە ئەگەری بە ئامانجگرتنی درۆنەکانیان.
محەمەد باقری، سەرۆکی ئەرکانی ئێران ڕایگەیاند: بانگەشەی ئەمریکا سەبارەت بە لەناوبردنی درۆنێکی ئێرانی سەلمێنەری هاوبەشی و هاوکاریی ئەوانە لەگەڵ تیرۆریستان و جوداخوازان.
ڕاشیگەیاند: ئه‌گه‌ر ئه‌مریکییه‌کان له‌دژی فرۆکه بێفڕۆکه‌وانه‌کانی ئێران بجوڵێن، ئه‌وا هێزه چه‌کداره‌کانی ئێران وه‌ڵامی ئه‌م کرده‌وه دوژمنکارانه ده‌ده‌نه‌وه.
جەختیشی كردەوە كە "ئێران مافی خۆیەتی ڕووبەڕووی ئەم هەوڵانە ببێتەوە و تۆڵە بكاتەوە."
لە درێژەی گوتەکانیشی ئاماژەی بەوە دا کە هێزە چەكدارەكانی ئێران خاوەنی زانیاری تەواو و دروستن سەبارەت بە بنكەكانی ئەمریكا لە هەریر و هەولێر و دهۆک لە عێراق.
کۆمێنت (0)
تا ئێستا هیچ کۆمێنتێک نەکراوە.