ڕێکخراوی مافی مرۆڤی هەنگاو ئاماری کوژراو و بریندار و دەستبەسەرکراوان لە خۆپێشاندانەکانی کوردستانی ئێران دژی گیانلەدەستدانی ژینا ئەمینی بڵاوکردەوە، بەپێی ئامارەکە 23 کوژراو و هەزار و 138 بریندار هەن.
ڕێکخراوەکە ئاماژەی بەوە داوە کە لە ماوەی دوو هەفتەی ڕابردوودا تەنیا لە شارەکانی کوردستانی ئێران 23 کوژراو و هەزار و 138 بریندار تۆمار کراون.
ئاماژەی بەوەش داوە کە زیاتر لە 2 هەزار هاووڵاتیی کورد لەلایەن دامەزراوە ئەمنییەکانەوە دەستبەسەر کراون کە شوناسی زیاتر لە 400 کەسیان ئاشکرا نییە.
هاوکات ئەوەش خراوەتەڕوو کە و لەو 400 کەسە 64 کەسیان ژن و 25 کەسیان مێردمنداڵن.
کۆمێنت (0)
تا ئێستا هیچ کۆمێنتێک نەکراوە.