به‌ڕێوه‌به‌رایه‌تی هاتوچۆی گه‌رمیان ئاشكرای كرد، ئه‌مشه‌و دووشه‌م بەهۆی ڕووداوێکی هاتووچۆ لەسەر ڕێگای کەلار – خانەقین، شوفێرێكی ماتۆڕسکیل گیانی لەدەست دا.
به‌ڕێوه‌به‌رایه‌تییه‌كه له ڕاگه‌یه‌نراوێكدا ڕایگه‌یاند: ئەمشەو لە ئاکامی پێکدادانی ماتۆڕسکیلێك و بارهه‌ڵگرێكی کیا لەسەر ڕێگای کەلار - خانەقین لە نزیک گوندی ساڵح ئاغا، شوفێری ماتۆڕسکیلەکە بە سەختی بریندار بوو و دەستبەجێ گواسترایەوە نەخۆشخانە، دوای ماوه‌یه‌كی كه‌م بەهۆی سەختی برینەکەیەوە له نه‌خۆشخانه گیانی لەدەست دا.
ڕاشیگه‌یاند: ماتۆڕسکیلەکە بە ئاراستەی شارۆچكه‌ی خانەقین ده‌ڕۆیشت و بارهه‌ڵگره‌كه‌ش بەپێچەوانە، لە نزیک گوندی ساڵح ئاغا پێکیان داداوە.
سه‌باره‌ت به شوفێری ماتۆڕسكیله‌كه، هاتوچۆی گه‌رمیان ڕایگه‌یاند: ئەو کەسەی گیانی لەدەستداوە لەدایکبووی ساڵی 2005ە.
جه‌ختیشی كرده‌وه كه تیمه‌كانی هاتوچۆی گه‌رمیان لێکۆڵینەوەكانیان لەسه‌ر ڕووداوەکە دەست پێ کردووە بە مەبەستی زانینی هۆکاری ڕووداوەکە.
وێنه‌ی ڕووداوه‌كه:-
کۆمێنت (0)
تا ئێستا هیچ کۆمێنتێک نەکراوە.