ئافرەتێك لە سلێمانی كوژرا

بەیانیی ئەمڕۆ 4-10-2022 لە گەڕەكی بەختیاریی شاری سلێمانی، ئافرەتێك كە بە پیادە ڕۆشتووە، لە لایەن پیاوێكەوە تەقەی لێ كراوە و كوژراوە.
دواتریش میدیای پەكەكە بڵاویان كردەوە كە ئەو ئافرەتەی كوژراوە، ناوی (ئاگەهان ئاكارسەر)ە و ئەندامی ناوەندی ئەكادیمیای لێكۆڵینەوەی ژنلۆژی بووە.
بە گوێرەی میدیای پەكەكە ئەو ئافرەتەی كوژراوە، بە ڕەچەڵەك كوردە و خەڵكی شاری كۆنیای توركیایە.
ژنژلۆی ناوەندێكی ئەكادیمییەو خاوەندارییەتی و ئاراستەكەی دەگەڕێتەوە بۆ پەكەكە.
شیانی باسە تا ئێستا دەزگا ئەمنییەكانی شاری سلێمانی هیچ زانیارییەكیان لە بارەی كوژرانی ئەو ئافرەتە بڵاونەكردۆتەوە.