لە سلێمانی مامۆستایەكی ئافرەت بە ئۆتۆمبێل لە چەند قوتابییەك دەدات و یەكێكیان گیان لەدەستدەدات

مامۆستایەكی ئافرەت لەكاتی ئاڵوگۆری دەوامی دوو قوتابخانەدا لە جیاتی ئەوەی پێ بنێ بە ئیستۆپی ئۆتۆمبێلەكەی، پێی ناوە بە نزین داو لەچوار قوتابی دەدات.
ئاراس ستار، پەیامنێری كوردستان تیڤی رایگەیاند: ئەمڕۆ سێشەممە لە قوتابخانەی حاجی عەلی لەشاری سلێمانی مامۆستایەكی ئافرەت لەكاتی ئاڵوگۆری دەوامی دوو قوتابخانەدا لە جیاتی ئەوەی پێ بنێ بە ئیستۆپی ئۆتۆمبێلەكەی، پێی ناوە بە نزیندا و لەچوار قوتابی دەدات .
گوتیشی: لە رووداوەكەدا دوو قوتابی بەسەختی برینداربوون و قوتابییەكیش دەست بەجێ گیانی لەدەستداوەو قوتابییەكی دیكەش برینەكەی سووكە.
لەبارەی رووداوەكەوه‌ هاتووچۆی سلێمانی دەڵێت: ئۆتۆمبێلەكە لە جۆری فۆرد بووەو شۆفێرەكەی ئافرەتەو مامۆستای هەمان قوتابخانەیە.
دوای روداوەكەش تیمی هاتووچۆی سلێمانی لەگەڵ تیمە فریاگوزرییەكانی دیكە، گەیشتونەتە شوێنی رووداوكەو دەستیان بە گرتنەبەری رێوشوێنە فریاگوزاری و یاساییەكان كردووە.