لە کاتی خۆپیشاندانەکانی ئەم دواییەی قوتابییانی زانکۆی ڕازی کرماشان لە دژی کوژرانی ژینا ئەمینی و هەروەها پشتیوانی مانگرتنی سەرانسەری ئێران، لانی کەم سێ خوێندکاری کورد بە ناوەکانی شەکیبا هۆشیار، عەلی ڕووزی و مەتین چراغی لەلایەن ناوەندە ئەمنییەکانەوە دەستبەسەرکراون.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، عەلی ڕووزی، خوێندکاری زانکۆی ڕازی کرماشان، ڕۆژی دووشەممە 3 ی 10ی 2022 لە کاتی خۆپیشاندانەکانی قوتابیانی ئەم زانکۆیە لەلایەن هێزە ئەمنییەکانەوە دەستبەسەرکراوە.
هەروەها، شەکیبا هۆشیار خەڵکی کرماشان و قوتابی بەشی ئەندازیاری میکانیکی زانکۆی ڕازی، لە خۆپیشاندانەکانی ڕۆژی یەک شەممە2 ی 10ی 2022 ده‌ستگیركراوه.
هەنگاو پێشتر بڵاوی کردبووەوە، کە مەتین چراغی قوتابی کارناسی کارەبای زانکۆی ڕازی کرماشان ئێوارەی ڕۆژی شەممە ڕێکەوتی 1ی 10 ی 2022 لەلایەن هێزە ئەمنییەکانەوە دەستگیركراوه و چارەنووسی ناڕوونە.
دوای تێپەڕینی چەند ڕۆژ لە دەستبەسەرکرانی ئەم قوتابییانه، سەرەڕای بەدواداچوونەکانی بنەماڵەکانیان لە ناوەندە پەیوەندیدارەکان، هیچ زانیارییەک لەبارەی شوێنی ڕاگیران و چارەنووسی ئەم قوتابییه کوردانە لەبەردەستدا نییە.
کۆمێنت (0)
تا ئێستا هیچ کۆمێنتێک نەکراوە.