ئه‌مڕۆ چوارشه‌م 5ی ئۆکتۆبەر، مەسرور بارزانی سه‌رۆكى حکوومەتی هه‌رێمى كوردستان پێشوازى له نيكۆلاس گرەینجەر نوێنه‌رى ئه‌مه‌ريكا بۆ كاروبارى باكوری ڕۆژهەڵاتی سووريا و شاندێكى ياوه‌رى كرد.
له کۆبوونەوەکەدا کە ئێرڤن هیکس کونسولی گشتیی ئەمەریکا لە هەرێمی کوردستان ئامادەی بوو، دوایین گۆڕانکاری و پەرەسەندنەکانی بارودۆخی گشتیی سووريا و عێراق تاووتوێ کران.
لە بەشێکی دیکەی کۆبوونەوەدا جەخت لە گرنگیی دەستپێکردنەوەی گفتوگۆی نێوان لایەنە کوردییەکان لە سووریا و ڕێگەدان بە ئازادی کار و چالاکیی سیاسیی و ڕێکخراوەیی لە باکوری ڕۆژھەڵاتی سووریا کرا.
کۆمێنت (0)
تا ئێستا هیچ کۆمێنتێک نەکراوە.