ئەمڕۆ پێنجشەممە 6 ی 10 ی 2022، پەرلەمانی کوردستان کۆدەبێتەوە و خوێندنەوەی دووەم بۆ پێشنیازه‌یاسای درێژکردنەوەی خولی پێنجەم دەکات.
دەستەی سەرۆکایەتی پەرلەمانی کوردستان بەرنامەی کاری کۆبوونەوەی ئەمڕۆ ى بڵاوکردەوە و یەکێک لە تەوەرە سەرەکییەکانی کۆبوونەوەکەش، خوێندنەوەی دووەمە، بۆ پێشنیازه‌یاسای درێژکردنەوەی خولی پێنجەم.
ده‌قی بەرنامەی کاری دانیشتنی ئه‌مڕۆ پەرلەمانی کوردستان:
به‌پێی حوكمی ماده‌ی (٥) و بڕگه‌ی (یه‌كه‌م) له ماده‌ی (١٦) و بڕگه‌ی (سێیه‌م) له ماده‌ی (١٨) و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له ماده‌ی (٢٠) و ماده‌كانی (٤٧، ٤٨) و بڕگەی (یەكەم) لە مادەی (٥٢) و مادەكانی (٥٤، ٥٥، ٥٦، ٥٧) له په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره (١٠)ی ئاسایی خولی پایزه‌ى ساڵی چوارەم له خولی پێنجه‌می هه‌ڵبژاردنی په‌رله‌مان له كاتژمێر (١١)ی پێشنیوه‌ڕۆی ڕۆژی پێنجشه‌ممه ڕێكه‌وتی ۲۰۲۲/۱۰/٦ به‌م شێوه‌یه بێت:
یه‌كه‌م: خوێندنه‌وه‌ى دووه‌م بۆ پێشنیازه‌یاسای (به‌رده‌وامبوونی خولی پێنجه‌می په‌رله‌مانی كوردستان-عێراق)، به‌پێی بڕگه‌ی (پێنجه‌م) له مادده‌ى (٧٨) و مادده‌كانى (٧٩، ٨٠) له په‌یڕه‌وى ناوخۆی په‌رله‌مانی كوردستان.
دووه‌م: بەردەوامبوون لەسەر خوێندنەوەی دووەم بۆ پڕۆژەیاسای (پەروەردە و فێركاری لە هەرێمی كوردستان-عێراق)، به‌پێی حوكمی مادده‌كانی (٨٧، ٨٨، ٨٩، ٩٧) له په‌یڕه‌وی ناوخۆی په‌رله‌مانی كوردستان.
کۆمێنت (0)
تا ئێستا هیچ کۆمێنتێک نەکراوە.