دوێنێ پێنجشه‌م له نه‌خۆشخانه‌ی ڕزگاری شاری هه‌ولێر، نه‌شته‌رگه‌رییه‌كی ده‌گمه‌ن بۆ منداڵێكی ته‌مه‌ن 10 ساڵان ئه‌نجامدرا و دوای 6 پارچه لاستیكێك له لووتی ده‌رهێنرا.
عومەر عەبدوڵا كه باوکی مناڵەکەیه گوتی: ساڵی 2016 محەمەدی کوڕم لە کاتی یاریکردندا بە دەمانچەی منداڵان، لاستیکی سەرە گولەی دەمانچەکە قوت ئەدات. هەرچەند سەردانی دکتۆری پسپۆڕمان کرد، به‌ڵام ئه‌و كات هیچیان بۆ نەدۆزرایەوە.
هه‌روه‌ها گوتی: به‌م دواییه لە کاتی نان خواردن و لە کاتی خەوتندا محه‌مه‌دی كوڕم گرفتی لە لووت و دەمی بۆ دروست دەبوو، بۆیە دوای شەش ساڵ، سەردانی دکتۆر عه‌ماڕ جافمان کرد و ئه‌و پێی گوتین كه کە شتێکی نامۆ له‌نێو ده‌م و لووتیدا هەیە و پێویستە تیشکی ڕەنینی بۆ بگرین.
گوتیشی: دوای گرتنی تیشکی ڕه‌نین بۆ محه‌مه‌د، ڕوون بووه‌وه کە لاستیکەکە لەبەشی دواوەی لووتی گیر بووە و پێویسته نەشتەرگەری بۆ ئەنجام بدرێت، بۆیە دوێنێ پێنجشه‌م بە نه‌شته‌رگه‌رییه‌كی سەرکەوتوو توانرا سەرەلاستیکەکە ده‌ربهێنرێ.
عومه‌ری باوكی محه‌مه‌د داواکارشی لە دایکان و باوکان كرد زیاتر ئاگاداری منداڵەکانیان بن، هه‌روه‌ها داواشی لە دکتۆرەكان كرد ڕێگه‌ی زیاتر بگرنەبەر بۆ پێدانی دڵنیایی بۆ نەخۆشەکان.
کۆمێنت (0)
تا ئێستا هیچ کۆمێنتێک نەکراوە.