ئه‌مڕۆ هه‌ینی نرخی نه‌وت له بازاڕكانی جیهان كه‌مێك نزمبوونه‌وه‌ی به‌خۆیه‌وه بینی، دوای ئه‌وه‌ی دوێنێ به ڕێژه‌ی 1% نرخه‌كه‌ی به‌رز ببووه‌وه به‌هۆی بڕیاره‌كه‌ی ڕێكخراوی ئۆپیك پڵه‌س كه بڕیاری كه‌مكردنه‌وه‌ی ڕێژه‌ی به‌رهه‌مهێنانی ده‌ركردبوو.
ئه‌مڕۆ هه‌ینی هه‌ر به‌رمیلێك نه‌وتی برێنت 11 سه‌نت دابه‌زی و ئێستا نرخه‌كه‌ی به 94.31 دۆلاره بۆ هه‌ر به‌رمیلێك.
به‌هه‌مانشێوه نرخی نه‌وتی خاوی تێكساسی ئه‌مه‌ریكیش كه‌مێك نزمببووه‌وه و ئێستا 88.40 دۆلار نرخی هه‌ر به‌رمیلێكه.
وڵاتانی ئه‌ندامی ڕێكخراوی ئۆپیك پڵه‌س ڕۆژی چوارشه‌می ڕابردوو له كۆبوونه‌وه‌ی ڤییه‌نای پایته‌ختی نه‌مسا به تێكڕا بڕیاریان دا ڕۆژانه بڕی به‌رهه‌مهێنانی 2 ملیۆن به‌رمیل كه‌م بكه‌نه‌وه، ئه‌مه بووه هۆی ئه‌وه‌ی دوێنێ پێنجشه‌م نرخی نه‌وت له بازاره‌كانی جیهان به‌رز ببێته‌وه.
کۆمێنت (0)
تا ئێستا هیچ کۆمێنتێک نەکراوە.