دژه‌تیرۆری كوردستان ڕاگه‌یه‌نراوێكی سه‌باره‌ت به ته‌قینه‌وه‌كه‌ی ئه‌مڕۆی شاری هه‌ولێر بڵاو كرده‌وه و تێیدا ئاماژه‌ی به‌وه دا كه ته‌قینه‌وه‌كه به‌هۆی بۆمبی چێندراو ئه‌نجامدراوه.
دژه‌تیرۆری كوردستان له ڕاگه‌یه‌نراوه‌كه‌دا ده‌ڵێت: کەمێک بەر لە ئێستا لە گەڕەکی سەربەستی لە شاری هەولێر، بۆمبێکی چێندراو بە ئۆتۆمبێلێکدا تەقییەوە.
ده‌شڵێت: بەهۆی ته‌قینه‌وه‌كه شۆفێری ئۆتۆمبێلەکە گیانی لە دەستداوه و دوو ئافرەت و دوو منداڵێكیش کە سەرنشینی ئۆتۆمبێلەکە بوون بریندار بوون.
هه‌ر له‌سه‌ر ڕووداوه‌كه ئومێد خۆشناو پارێزگاری هه‌ولێر تایبه‌ت بۆ (كوردستان تیڤی) ڕایگه‌یاندبوو: تا ئێستا هۆكاری ته‌قینه‌وه‌كه دیار نییه و نازانرێ ڕووداوی تیرۆریستی بووه یان ته‌قینه‌وه‌ی بزوێنه‌ری ئۆتۆمبێله‌كه.
جه‌ختیشی كردبووه‌‌وه كه تیمه ئه‌منییه‌كان و به‌رگریی شارستانیی هه‌ولێر سه‌رقاڵی لێكۆڵینه‌وه‌ن بۆ زانینی هۆكاری ته‌قینه‌وه‌كه.
پارێزگاری هه‌ولێر ئاماژه‌ی به‌وه‌شدابوو كه به‌داخه‌وه ته‌قینه‌وه‌ی ئۆتۆمبێله‌كه بۆته هۆی گیانله‌ده‌ستدانی شوفره‌كه.
کۆمێنت (0)
تا ئێستا هیچ کۆمێنتێک نەکراوە.