هێزە ئەمنییەكانی ئێران هونەرمەندێكی ناوداری كورد دەستگیر دەكەن

هونەرمەندی ناوداری كورد "حسێن سەفامەنش" لەلایەن هێزە ئەمنییەكانی ئێران دەستگیر كرا.
حسێن سەفامەنش دوای كوشتنی "ژینا ئەمینی" لە گرتە ڤیدیۆیەك راگەیاندبوو كە هەموو هاوكاری و كاركردنی لەگەڵ وەزارەتی رۆشنبیری كۆماری ئیسلامی رادەگرێت،بەو هۆییەوە لەلایەن ئیتڵاعاتی شاری تاران دەستگیر كراوە.
شایانی باسە  ئیدارەی ئیتڵاعاتی شاری تاران هونەرمەند حوسێن سەفامانەشی بانگكردووە و پاشان دەستگیریان كردووە و چارەنووسی تائێستا نادیارە.
ئەم هونەرمەندە بە نیاز بوو كۆنسێرتێك لە شاری هەولێر، ساز بكات ، هەرچەندە  هەموو پلیتەكانیشی  فرۆشرابوو بەڵام كوشتنی "ژینا ئەمینی" لەلایەن هێزە ئەمنییەكانی ئێرانەوە، كۆنسێرتەكەی هەڵوەشاندووەتەوە. 
ئا- كامران