دژەتیرۆری کوردستان ڕایگەیاند، کاتژمێر 09:00ـی ئەمشەو شەممە 08ـی 10ـی 2022 سێ مووشەک ئاراستە بنکەی سەربازیی تورکیا لە زێلکان کرا.
دژەتیرۆری کوردستان ڕایگەیاند: بە گوێرەی زانیارییەکانمان، ئەمشەو سێ مووشەک ئاراستەی سەربازگەی زێلکان لە ناحییەی باشیکی سەر بە پارێزگای نەینەوا کە تێیدا هێزەکانی سوپای تورکیا لەخۆ دەگرێت، کران.
ڕاشیگەیاند: مووشەکەکان لە ناوچەی شەلالات کە دەکەوێتە سنووری دەسەڵاتی عێراقی فیدراڵەوە ئاراستەی سەربازگەکە کراون، بەڵام نەگەیشتووەتە سەربازگەکە و سەنگەرەکانی پێشمەرگە.
دژەتیرۆری کوردستان ئاماژەی بەوەش داوە کە مووشەکەکان لەنێوان گوندەکانی فازڵییە و عومەرقامچی کەوتوونەتە خوارەوە، هیچ زیانێکی گیانیی لێ نەکەوتووەتەوە.
کۆمێنت (0)
تا ئێستا هیچ کۆمێنتێک نەکراوە.