منداڵێكی سعوودی به‌هۆی له‌بیركردن و مانه‌وه‌ی به‌ته‌نیا له‌نێو پاسی قوتابخانه‌كه‌یدا بۆ ماوه‌یه‌كی زۆر، گیان له‌ده‌ست ده‌دات.
به‌ڕێوه‌به‌رایه‌تی په‌روه‌رده‌ی ناوچه‌ی شه‌رقییه له سعوودییه سه‌باره‌ت به ڕووداوه‌كه ڕایگه‌یاند: منداڵه‌كه ناوی (حه‌سه‌ن عه‌لوی)یه و ته‌مه‌نی 5 ساڵانه، ئه‌مڕۆ یه‌كشه‌م دوای ته‌واوبوونی قوتابخانه و له‌كاتی گه‌ڕانه‌وه‌دا بۆ ماڵه‌وه، شوفێری پاسی قوتابخانه‌كه‌ی له‌بیر ده‌كات و به‌هۆی مانه‌وه‌ش بۆ ماوه‌یه‌كی زۆر هه‌ر له‌نێو پاسه‌كه‌دا گیان له‌ده‌ست ده‌دات.
به‌ڕێوه‌به‌رایه‌تییه‌كه ئاماژه‌ی به‌وه‌ش دا كه ده‌ستیان به لێكۆڵینه‌وه‌كان كردووه و لێپرسینه‌وه‌یان له‌گه‌ڵ شوفێری پاسه‌كه و مامۆستایانی قوتابخانه‌كه كردووه سه‌باره‌ت به هۆكاری له‌بیركردنی قوتابییه‌كه له‌نێو پاسه‌كه‌دا.
کۆمێنت (0)
تا ئێستا هیچ کۆمێنتێک نەکراوە.