کەشناسی: پلەی گەرما زیاتر نزم دەبێتەوە

کەشناسی هەرێمی کوردستان کەشی پێشبینیکراوی ئەمڕۆ دووشەممە و سبەی سێشەممەی خستووەتەڕوو، ئاماژەی بەوە داوە کە پلەکانی گەرما زیاتر نزم دەبنەوە بەراورد بە ڕۆژانی پێشووتر.

بەڕێوەبەرایەتی گشتیی کەشناسی و بوومەلەرزەزانی هەرێمی کوردستان سەبارەت بە کەشوهەوای ئەمڕۆ دووشەممە 10ـی 10ـی 2022 ڕایگەیاند: ئاسمان ساماڵ دەبێت، خێرایی با لەسەرخۆ بۆ مامناوەند دەبێت (10 - 20) کیلۆمەتر لە کاتژمێرێک و ئاراستەکەشی باکووری خۆرئاوا دەبێت.

ڕاشیگەیاند: پلەکانی گەرما نزم  دەبێتەوە بە (3-4) پلە بەراورد بە تۆماکراوەکانى دوێنى، هەروەها مەوداى بینین  ( 8 – 10 ) کیلۆمەتر دەبێت .

سەبارەت بە کەشوهەوای سبەی سێشەممە 11ـی 10ـی 2022 ڕایگەیاند: ئاسمان ساماڵ دەبێت، پلەکانی گەرما نزیک دەبێتەوە بەراورد بە تۆمارکراوەکانى ڕۆژى پێشوو، خێرایى با لەسەرخۆ- مامناوەند دەبێت (10 - 15) کیلۆمەتر لە کاتژمێرێک ئاراستەی با لە باکووری  خۆرئاوا دەبێت، هەروەها مەوداى بینین ( 8 – 10 ) کیلۆمەتر دەبێت.

کەشناسی هەروەها بەرزترین پلەکانی گەرمای پێشبینیکراوی سبەی سێشەممە بە پلەی سیلیزی بەمشێوەیە خستووەتەڕوو:-

هەولێر     :  30 پلەى سیلیزى

سلێمانی    :  30 پلەى سیلیزى

دهۆک     :  27 پلەى سیلیزى

کەرکووک  : 32 پلەى سیلیزى

هەڵەبجە   :  31 پلەى سیلیزى

زاخۆ      :  28 پلەى سیلیزى

سۆران    :  26 پلەى سیلیزى

گەرمیان  :  34 پلەى سیلیزى