به‌ڕێوه‌به‌رایه‌تی پۆلیسی پارێزگای دهۆك ئاشكرای كرد كه ئه‌مشه‌و له سنووری پارێزگاكه‌یان دوو كچ به ڕووداوی نه‌خوازراو و دڵته‌زێن گیانیان له‌ده‌ست دا.
هێمن سلێمان گوته‌بێژی پۆلیسی پارێزگای دهۆك ڕایگه‌یاند: ڕووداوی یه‌كه‌م له كۆمه‌ڵگه‌ی نیشته‌جێبوونی ڕۆژ سیتی له پارێزگای دهۆك كچێك له شوقه‌كه‌ی خۆیان كه‌وته خواره‌وه و گیانی له‌ده‌ست دا.
ڕاشیگه‌یاند: كچه‌كه ته‌مه‌نی ته‌نیا 14 ساڵان بوو، پۆلیسیش ده‌ستی به لێكۆڵینه‌وه‌كان كردووه به مه‌به‌ستی هۆكاری كه‌وتنه‌خواره‌وه‌كه‌ی.
هه‌ر له سنووری پارێزگای دهۆك ئه‌مشه‌و ڕووداوێكی تریش ڕووی دا و كچێكی تر گیانی له‌ده‌ست دا.
هێمن سلێمان سه‌باره‌ت به ڕووداوه‌كه گوتی: كچێكی ته‌مه‌ن 37 ساڵ له سنووری شاره‌دێی دینارتێ سه‌ر به شارچكه‌ی ئاكرێ به‌داخه‌وه به ڕووداوێكی دڵته‌زێن گیانی له‌ده‌ست دا.
گوته‌بێژی پۆلیسی پارێزگای دهۆك گوتیشی: كچه‌كه ناوی (ح. ا. ی)، له كاتی كارپێكردنی ماتۆڕی ئاو (مزه‌خه) شۆڕتی كاره‌با ڕوو ده‌دات و گیان له‌ده‌ست ده‌دات.
ئاماژه‌ی به‌وه‌ش دا كه له‌سه‌ر ئه‌م ڕووداوه‌ش پۆلیس په‌ڕاوی لێكۆڵینه‌وه‌ی له بنكه‌ی پۆلیسی نه‌خۆشخانه‌ی ئاكرێ كردۆته‌وه.
کۆمێنت (0)
تا ئێستا هیچ کۆمێنتێک نەکراوە.