به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان كه‌شوهه‌وای ئه‌مڕۆ هه‌ینی و سبه‌ی شه‌مووی شاره‌كانی هه‌رێمی كوردستان بڵاو كرده‌وه و تێیدا ئاماژه‌ی به‌وه دا كه ئاسمان له هه‌ردوو ڕۆژه‌كه‌دا هه‌وراوی ده‌بێت.
كه‌شناسی سه‌باره‌ت به ڕه‌وشی كه‌شوهه‌وای ئه‌مڕۆ هه‌ینی ڕایگه‌یاند: ئاسمان به‌گشتی په‌ڵه هه‌ور و نیمچه هه‌ور ده‌بێت و پله‌ی گه‌رماش به‌رزتر ده‌بێت له تۆماره‌كانی دوێنێ پێنجشه‌م.
ڕاشیگه‌یاند: خێرایی با له‌سه‌رخۆ و مامناوه‌ند ده‌بێت، هه‌روه‌ها مه‌ودای بینینیش له‌نێوان 10-8 كیلۆمه‌تر ده‌بێت.
سه‌باره‌ت به ڕه‌وشی كه‌شوهه‌وای سبه‌ی شه‌مووش، كه‌شناسی ڕایگه‌یاند: ئاسمان نیمچه هه‌ور ده‌بێت و له هه‌ندێ ناوچه‌ش هه‌وری ته‌واو ده‌بێت، هه‌روه‌ها پله‌كانی گه‌رماش 1 پله به‌رزتر ده‌بێت به به‌راورد به تۆماره‌كانی ئه‌مڕۆ هه‌ینی.
ئاماژه‌ی به‌وه‌ش دا: خێرایی با له‌سه‌رخۆ و مامناوه‌ند به‌ره‌و ئاراسته‌ی خۆرهه‌ڵات ده‌بێت و مه‌ودای بینینیش له‌نێوان 10-8 كیلۆمه‌تر ده‌بێت.
به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان هه‌روه‌ها به‌رزترین پله‌كانی گه‌رمای پێشبینیكراوی به‌مشێوه‌ی خواره‌وه دیاری كرد:-
هەولێر: 33 پلەى سیلیزى
سلێمانی: 31 پلەى سیلیزى
دهۆک: 32 پلەى سیلیزى
کەرکووک: 36 پلەى سیلیزى
هەڵەبجە: 33 پلەى سیلیزى
زاخۆ: 33 پلەى سیلیزى
سۆران: 31 پلەى سیلیزى
گەرمیان: 37 پلەى سیلیزى
کۆمێنت (0)
تا ئێستا هیچ کۆمێنتێک نەکراوە.