دوای ئەو دەنگۆیانەی ئەمڕۆ شەممە 15ـی 10ـی 2022 لەسەر تێکچوونی ڕەوشی تەندروستی سەرۆک کۆماری تازەی هەڵبژێردراوی عێراق بڵاو کرایەوە، سەرجەم ئەو دەنگۆیانە ڕەت دەکرێنەوە.
سەرچاوەیەکی تایبەت بۆ ماڵپەڕی (کوردستان تیڤی) ئەو دەنگۆیانەی ڕەت کردەوە و جەختی کردەوە کە ڕەوشی تەندروستی د. لەتیف ڕەشید سەرۆک کۆماری تازەی هەڵبژێردراوی عێراق جێگیرە.
سەرچاوەکە ئاماژەی بەوەش دا کە ئەو هەواڵانەی بڵاو کراونەتەوە لەسەر تێکچوونی ڕەوشی تەندروستی د. لەتیف ڕەشید هەمووی ناڕاستن.
ئەم دەنگۆیانە دوای ئەوە دێن کە ڕۆژی پێنجشەممەی ڕابردوو د. لەتیف ڕەشید بە دەنگی 162 پەرلەمانتار وەک سەرۆک کۆماری عێراق هەڵبژێردرا.
کۆمێنت (0)
تا ئێستا هیچ کۆمێنتێک نەکراوە.