باڵیۆزی ئەمریکا لە عێراق ئەمڕۆ شەممە 15ـی 10ـی 2022 جەختی کردەوە کە گرنگە عێراق بەرەنگاری گەندەڵی ببێتەوە و هەلی کار بڕەخسێنێت.
ئالینا ڕۆمانۆوسکی، باڵیۆزی ئەمریکا لە عێراق لە تویتێکدا ڕایگەیاند: پەیوەندییەکانمان لەگەڵ حکوومەتی نوێی عێراق بەپێی ڕێککەوتنێک دەبێت لە چوارچێوەیەکی ستراتیژی.
ڕاشیگەیاند: پێشکەوتن لەسەر بەرژەوەندییە هاوبەشەکانمان بۆ عێراقییەکان گرنگە، کە عێراقێک بێت بەرەنگاری گەندەڵی ببێتەوە و هەلی کار بڕەخسێنێت، هەروەها عێراقێک کە لە ڕێگەی دامەزراوە ئەمنییە بەهێزەکانی حکوومەتەوە سەقامگیر بێت و دوور لە داعش بێت ، عێراقێک کە خۆڕاگر بێت بۆ ڕووبەڕووبوونەوەی گۆڕانی کەشوهەوا.
ئەم پەپامەی ڕۆمانۆوسکی دوای ئەوە دێت کە ڕۆژی پێنجشەممەی ڕابردوو، سەرۆک کۆماری عێراق هەڵبژێردرا و هەروەها سەرۆک وەزیران ڕاسپێردرا بۆ پێکهێنانی کابینەی نوێی حکوومەت.
کۆمێنت (0)
تا ئێستا هیچ کۆمێنتێک نەکراوە.