ئەمڕۆ دووشەممە 17ـی 10ـی 2022 لە قەزای كفری باوكێک تەقەی لە كچەكەی خۆی كرد و كوشتی.
پەیامنێری کوردستان تیڤی پێی ڕاگەیاندین: كچێک بەناوی ئیمان ئەحمەد شكور، تەمەنی 15 ساڵ بووە، ئەمڕۆ لەلایەن باوكییەوە تەقەی لێكراوە و كوژراوە، دواتر بكوژەكە هەڵاتووە.
سەبارەت بە هۆکاری کوشتەنەکەشی ڕاشیگەیاند: هۆکاری كوشتنەكە دەگەڕێتەوە بۆ ناكۆكیی نێوان دایک و باوكی كچەكە، بەهۆی ئەوەی لەیەكتر جیابوونەتەوە و كچەكە لەگەڵ دایكی ژیاوە، باوكی هەوڵیداوە بیباتە لای خۆی و بەهۆی قایلنەبوونی كچەكەوە، باوكی بە دەمانچە تەقەی لێ كردووە و كوشتوویەتی.
پەیامنێرمان ئاماژەی بەوەش دا کە تەرمی كچەكە لە نەخۆشخانەی كفری-یە و بڕیارە پاش كەمێكی دیكە ڕەوانەی پزیشكیی دادیی كەلار بكرێت و هێزەكانی پۆلیس لێكۆڵینەوە لە ڕووداوەكە دەكەن.
کۆمێنت (0)
تا ئێستا هیچ کۆمێنتێک نەکراوە.