وەزیری شارەوانی و گەشتوگوزار بەردی بناغەی پرۆژەیەك لە هەولێر دادەنێت

رۆژی سێشەممە 18ی تشرینی یەکەمی 2022، ساسان عەونی، وەزیری شارەوانی و گەشتوگوزار بە ئامادەبوونی ئومێد خۆشناو پارێزگاری هەولێر و عەبدولواحید ئەحمەد سەرۆكی شارەوانیی هەولێر، بەردی بناغەی پرۆژەیەكی قیڕتاوكردنی شەقامی لە گەڕەكی گڵكەند دانا.
پرۆژەكە بە گوژمەی 219 ملیۆن و 750هەزار دینار،  لەسەر ڕێژەی 15%ی داهاتی سەرۆکایەتیی شارەوانیی هەولێر  جێبەجێ دەکرێت و  لە ماوەی دوو مانگدا تەواو دەکرێت.
پرۆژەکە پێكهاتووە لە قەشتکردن و قیڕتاوکردنی شەقامی شەهید سامی لە گەڕەکی گڵکەند كە یەكێكە لە گەڕەكە هەژارنشینەكانی شاری هەولێر. 
هەروەها لەسەر فەرمانی ساسان عەونی، وەزیری شارەوانی و گەشتوگوزار پرۆژەی ڕاخستنی چینی ستایبلایزەر بۆ سێ شەقام لە گەڕەکی قەتەوی بە گوژمەی 59 ملیۆن دینار  لەسەر داهاتی 15%پ سەرۆکایەتیی شارەوانیی هەولێر دەست بە جێبەجێكردنی دەكرێت و لە ماوەی  ماوەی 30 ڕۆژدا ئەو پرۆژەیەش تەواو دەکرێت.