پۆلیسی هەولێر ڕایگەیاند، ئەمشەو سێشەممە 18ـی 10ـی 2022 کەسێک لەلایەن براکەیەوە لەسەر کێشەی پارە و قەرزداری تەقەی لێکراوە و کوژراوە.
بەڕێوەبەرایەتی پۆلیسی پارێزگای هەولێر ڕایگەیاند: دوای ئەوەی ئەمشەو سێشەممە هێزەکانی بەڕێوەبەرایەتی پۆلیسی پارێزگای هەولێر ئاگادار کرانەوە کە لە گەڕەکی (کەمئەندامان) لە ناحییەی کەسنەزان ڕووداوێکی کوشتن ڕووی داوە، دەستبەجێ هێزەکانمان گەیشتنە شوێنی ڕووداو و دەستیان بە لێکۆڵینەوە کرد.
ڕاشیگەیاند: لە لێکۆڵینەوە سەرەتاییەکاندا دەرکەوت کە کەسێک بەناوی (ڕابەر .ج.ع) تەمەن (27 ساڵ) لەلایەن براکەیەوە بەناوی (ب. ج. ع) لەسەر کێشەی پارە و قەرزداری بە چەکی جۆری (کلاشینکۆف) تەقەی لێکراوە و کوژراوە.
پۆلیسی هەولێر ئاماژەی بەوەش داوە کە هێزەکانیان ئێستا سەرقاڵی لێکۆڵینەوەن بۆ ئەوەی کە ڕێڕەوی یاسایی بەرامبەر تۆمەتباری ناوبراو بگیرێتەبەر.
کۆمێنت (0)
تا ئێستا هیچ کۆمێنتێک نەکراوە.