نووسینگه‌ی ڕاگه‌یاندنی سه‌رۆك وه‌زیران ئاشكرای كرد كه ئه‌مڕۆ سێشه‌م مسته‌فا كازمی سه‌ردانی وه‌زاره‌تی به‌رگریی عێراقی كردووه و له‌گه‌ڵ فه‌رمانده سه‌ربازی و كادیره پێشكه‌وتووه‌كانی وه‌زاره‌ته‌كه كۆبووه‌ته‌وه.
له كۆبوونه‌وه‌كه‌دا مسته‌فا كازمی فه‌رمانده‌ی گشتیی هێزه چه‌كداره‌كانی عێراق ستایشی هه‌وڵی به‌رده‌وامی كادیرانی وه‌زاره‌ته‌كه كردووه و جه‌ختیشی له به‌رده‌وامی رۆله ئه‌منییه‌كان به هه‌مان وزه و وره‌وه كرده‌وه له‌گه‌ڵ ڕووبه‌ڕووبوونه‌وه‌ی هه‌ر جۆره ئاسته‌نگێك كه بێته به‌رده‌م وه‌زاره‌ته‌كه.
كازمی هه‌روه‌ها داوای له سه‌ركرده سه‌ربازییه‌كان كردووه له هه‌وڵه هه‌واڵگری و ئه‌نجامدانی ئۆپه‌ڕاسیۆنه‌كان دژی تیرۆریستان و ئاڵوگۆڕی زانیارییه‌كان بۆ پشتیوانی له هه‌وڵه ئه‌منییه‌كان به‌رده‌وام بن.
فه‌رمانده‌ی گشتیی هێزه چه‌كداره‌كان داواشی له به‌رپرسانی وه‌زاره‌ته‌كه كردووه چاودێری دۆخی برینداران و ماڵباتی شه‌هیدان بكه‌ن و هه‌وڵی دابینكردنی پێداویستییه‌كانیان بده‌ن، هه‌روه‌ها له مامه‌ڵه و شایسته یاساییه‌كانیان ئاسانكارییان بۆ بكه‌ن.
کۆمێنت (0)
تا ئێستا هیچ کۆمێنتێک نەکراوە.