دوو برای قوتابی خەڵکی سەقز بە ناوەکانی ڕاژین قادری و ئاروین قادری لەلایەن هێزە ئەمنییەکانی ئێرانه‌وه لە شاری ڕەفسەنجان سەر بە پارێزگای کرمان ڕفێندراون چارەنووسیان نادیارە.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی شەممە، 15 ى 10 ى 2022، هێزە ئەمنییەکان هێرشیان کردووەتە سەر ماڵی ئەو دوو برا قوتابییه‌ی خەڵکی سەقز بە ناوەکانی ئاروین قادری و ڕاژین قادری و بەشێویەکی توندوتیژانە هەردووکیانیان دەستبەسەر کردووە.
بەوتەی سەرچاوەیەکی ئاگادار، هێزە ئەمنییەکان سەرەڕای لێدان و کوتانی ئەو دوو برایە لە کاتی دەستبەسەرکردنیان، دەستیان بەسەر مۆبایلەکانیشیاندا گرتوون.
ئاروین قادری قوتابی قۆناخی دکتۆرای بەشی میکانیکییە و ڕاژین قادری قوتابی بەشی یاسایە.
سەرەڕای تێپەڕبوونی پێنج ڕۆژ بەسەر ڕفاندنی ئەو دوو برایە، هیچ زانیارییەک لەمەڕ چارەنووس و شوێنی ڕاگیرانیان لەبەردەستدا نییە.
کۆمێنت (0)
تا ئێستا هیچ کۆمێنتێک نەکراوە.