ئه‌ندامێكی په‌رله‌مانی عێراق ئاشكرای كرد كه رۆژی دووشه‌می هه‌فته‌ی داهاتوو كۆبوونه‌وه‌ی ئه‌نجوومه‌نی نوێنه‌ران به‌ڕێوه ده‌چێت بۆ ده‌نگدان و متمانه‌به‌خشین به حكوومه‌تی نوێی عێراق.
میدیاكانی عێراق له‌سه‌ر زاری ئه‌ندامێكی په‌رله‌مان بڵاویان كرده‌وه: بڕیار بوو دانیشتنی ئه‌نجوومه‌نی نوێنه‌رانی عێراق بۆ ده‌نگدان و متمانه‌به‌خشین به كابینه‌كه‌ی محه‌مه‌د شیاع سوودانی ڕۆژی شه‌مووی داهاتوو به‌ڕێوه بچێت، به‌ڵام كۆبوونه‌وه‌كه دواخرا.
بڵاویش كرایه‌وه: هۆكاری دواخستنی دانیشتنه‌كه ئه‌وه بووه كه ده‌رفه‌تی زیاتر بدرێته په‌رله‌مانتاران بۆ خوێندنه‌وه‌ی سیڤی كاندیده‌كانی كابینه نوێیه‌كه‌ی حكوومه‌ت.
ئاماژه‌شی دا: رۆژی دووشه‌می داهاتوو دانیشتنی په‌رله‌مان به‌ڕێوه ده‌چێت و متمانه به كابینه‌كه‌ی محه‌مه‌د شیاع سوودانی ده‌درێت.
ئه‌مه له‌كاتێكدایه كه هاوپه‌یمانی ئیداره‌ی ده‌وڵه‌ت پێشتر ڕایگه‌یاندبوو كه ڕۆژی شه‌مووی داهاتوو كۆبوونه‌وه‌ی په‌رله‌مان به‌ڕێوه ده‌چێت و ده‌نگ به حكوومه‌ته نوێیه‌كه‌ی سوودانی ده‌درێت.
کۆمێنت (0)
تا ئێستا هیچ کۆمێنتێک نەکراوە.