نرخی نه‌وت كه‌مێك دابه‌زینی به‌خۆیه‌وه‌ بینی

ئه‌مڕۆ هه‌ینی نرخی نه‌وت له‌ بازاره‌كانی جیهان كه‌مێك دابه‌زینی به‌خۆیه‌وه‌ بینی، ئه‌مه‌ سه‌ره‌ڕای ئه‌گه‌ری زیادبوونی خواستی وزه‌ له‌لایه‌ن چینه‌وه‌.

نرخی هه‌ر به‌رمیلێك نه‌وتی برێنت ئه‌مڕۆ هه‌ینی 12 سه‌نت دابه‌زی و ئێستا به‌رامبه‌ره‌ به‌ 92.26 دۆلار.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش 4 سه‌نت دابه‌زی و هه‌ر به‌رمیلێك به‌رامبه‌ره‌ به‌ 84.47 دۆلار.

سه‌ره‌ڕای دابه‌زینی نرخی ئه‌مڕۆی نه‌وت، به‌ڵام به‌ تێكڕأی نرخی هه‌فته‌یه‌ك نرخه‌كه‌ی به‌ ڕێژه‌ی 0.7% به‌رز بۆته‌وه‌ و پێشبینیش ده‌كرێ هه‌فته‌ی داهاتوو زیاتریش به‌رز بێته‌وه‌ به‌هۆی زیادبوونی خواست له‌سه‌ر سووته‌مه‌نی له‌لایه‌ن وڵاتی چین و به‌شێك له‌ وڵاتانی ئه‌وروپا و جیهان.