هاووڵاتییانی عێراقی له ئه‌نجامدانی گه‌شتی عومڕه‌دا پله‌ی دووه‌میان له‌سه‌ر ئاستی وڵاتانی جیهاندا گرتووه و له ڕیزبه‌ندی یه‌كه‌میشدا هاووڵاتییانی ئه‌ندۆنیسیا دێن.
هانی عومه‌یری ئه‌ندانی لیژنه‌ی حه‌ج و عومڕه‌ی عێراق ڕایگه‌یاند: ئێستا له ته‌واوی عێراق نزیكه‌ی 150 كۆمپانیا هه‌ن گه‌شتی عومڕه بۆ وڵاتی سعوودییه به باشترین شێوه ئه‌نجام ده‌ده‌ن.
ڕاشیگه‌یاند: له ڕیزبه‌ندی وڵاتانی جیهان له ئه‌نجامدانی گه‌شتی عومڕه‌دا عێراق له ڕیزی دووه‌م دێت دوای ئه‌ندۆنیسیا، دوای ئه‌وانیش هه‌ریه‌ك له وڵاتانی توركیا، پاكستان، مالیزیا، هیندستان و ئازه‌ربایجان دێن.
هه‌روه‌ها ڕایگه‌یاند: پێشبینی ده‌كرێ له داهاتوودا ئه‌نجامدانی گه‌شتی عومڕه له‌سه‌رتاسه‌ری جیهان زیاتر ببێت.
ئه‌مه له‌كاتێكدایه كه ئێستا نرخی ئه‌نجامدانی گه‌شتی عومڕه له هه‌رێمی كوردستان و عێراق به‌هۆی زۆری كۆمپانیاكان و ڕكابه‌ری له‌نێوانیاندا، به‌ڕێژه‌یه‌كی به‌رچاو دابه‌زیوه و ئێستا كه‌مترین نرخی هه‌ر گه‌شتێكی عومڕه له‌نێوان 650 تا 700 دۆلاره.
کۆمێنت (0)
تا ئێستا هیچ کۆمێنتێک نەکراوە.