پۆلیسی هەولێر ئەمڕۆ هەینی 21ـی 10ـی 2022 ڕایگەیاند، دوو کەسیان لە کاتی بەکارهێنانی ماددەی هۆشبەردا دەستگیر کران.
بەڕێوەبەرایەتی پۆلیسی پارێزگای هەولێر ڕایگەیاند: بەشی پۆلیسی فریاکەوتن، دوو تۆمەتباریان بەناوەکانی (ع. ع. ج) و (ژ. ک. ا.) لە شەقامی کۆیە نزیک نەخۆشخانەی (CMC) لەکاتی بەکارهێنانی ماددەی هۆشبەر دەستگیر کرد.
ڕاشیگەیاند: لەدوای دەستگیرکردنیان دەستبەسەر ماتۆڕ سکیلێک و ماددەی هۆشبەر و کەلوپەلی بەکارهێنانی ماددەی هۆشبەر داگیرا.
پۆلیسی هەولێر ئاماژەی بەوەش دا کە تۆمەتباران پەڕاوی لێکۆڵینەوەیان بۆ ڕێکخرا و ڕەوانەی دادگە کران.
کۆمێنت (0)
تا ئێستا هیچ کۆمێنتێک نەکراوە.