پۆلیسی هەولێر ئەمڕۆ شەممە 22ـی 10ـی 2022 ڕایگەیاند، تۆمەتبارێکیان دەستگیر کردووە کە پارە و کەلوپەلی لەناو چەندین ئۆتۆمبێل لەبەردەم پارکی سامی عەبدولڕەحمان دزیوە.
بەڕێوەبەرایەتی پۆلیسی پارێزگای هەولێر ڕایگەیاند: بەشی پۆلیسی نەهێشتنی تاوان، نووسینگەی باکور، تۆمەتبارێکیان بەناوی (م. ن. ح.) دەستگیر کرد بە تۆمەتی دزینی پارە و کەلوپەلی نێو چەندین ئۆتۆمبێل لەبەردەم دادگای هەولێر و پارکی سامی عەبدولڕەحمان و پێش بارەگای پاسەپۆرت.
ڕاشیگەیاند: تۆمەتبار دوای دەستگیرکردنی دانی بە چەندین تاوانی لەمشێوەیە نا.
پۆلیسی هەولێر ئاماژەی بەوەش داوە کە پەڕاوی لێکۆڵینەوەی بۆ ڕێکخرا و دادوەر بەپێی ماددە (446) لە یاسای سزادان بڕیاری ڕاگرتنی تۆمەتباری دەرکرد.
کۆمێنت (0)
تا ئێستا هیچ کۆمێنتێک نەکراوە.