له‌یادی داستانی پردێدا كتێبێك چاپ و بڵاوكرایه‌وه‌

له‌ یادی داستانی پردێ  كتێبێك به‌ناوی "داستا پردێ " له‌ ئاماده‌كردن و نووسینی پێشمه‌رگه‌ی زێره‌ڤانی " ڕزگار ساڵح موسا بۆسلی" چاپ وبڵاوكرایه‌وه‌.
له‌ كتێبه‌كه‌دا،پۆلێك له‌ پێشمه‌رگه‌ قاره‌مانه‌كانی به‌شداربوو، باس له‌ خۆڕاگری و سه‌ركه‌وتنی هێزی پێشمه‌رگه‌ی كوردستان له‌ داستانی پردێ ده‌كه‌ن. 
نووسه‌ری كتێبه‌كه‌ " ڕزگار بۆسلی" كه‌ هه‌مان كاتدا  به‌شدار بووی داستانه‌كه‌ی پردێ بوو، به‌ (باسنیوز)ی ڕاگه‌یاندبوو" وه‌كوو وه‌فایه‌ك بۆ خوینێ شه‌هیدان و ڕێبازی پارتی و بارزانی به‌ پێویستمان زانی هه‌موو ڕووداوه‌كانی داستانی پردێ له‌ ساڵی 2017 له‌ كتێبێكدا به‌ چاپ بگه‌یه‌نین ، پێویست و گرنگ بوو كه‌ ئه‌م داستانه‌ مه‌زنه‌ بچێته‌ ناو وێژه‌ی كوردی و كتێبخانه‌كانمان بۆ ئه‌وه‌ی نه‌وه‌ی داهاتوو سوودی لێ ببینن، چونكه‌ ئه‌م داستانه‌ بووه‌ هۆی گۆڕێنی پیلانه‌ ڕه‌شه‌كان و له‌گۆڕنانی خه‌ونی خیانه‌تكارانی 16ی ئۆكتۆبه‌ر".
ئا- كامران