کەشناسی هەرێمی کوردستان ڕەوشی کەشوهەوای ئەمڕۆ دووشەممە و سبەی سێشەممەی بڵاو کردەوە و ڕایگەیاند، بارانبارین تاوەکو ئێوارەی ئەمڕۆ بەردەوام دەبێت و پاشان کەشەکە جێگیر دەبێتەوە.
بەڕێوەبەرایەتی گشتیی کەشناسی و بوومەلەرزەزانی هەرێمی کوردستان ڕایگەیاند: ئەمڕۆ دووشەممە کەشی ئاسمان بەگشتی هەور دەبێت لەگەڵ بروسکە و تاوەبارانی جیاجیا لە ناوچەکانی ناوەڕاست و ڕۆژهەڵاتی هەرێم ( پارێزگاکانی هەولێر و سلێمانی)، هەروەها لە ناوچەشاخاوییە سنوورییەکانی باکوری خۆرهەڵات دابارین زیاترە و بەشێوەی لێزمە باران دەبێ، پاشان کەشەکە لە کاتەکانی ئێوارە جێگیر دەبێتەوە ئاسمان بۆ پەڵەهەور دەگۆرێت.
ڕاشیگەیاند:خێرایى با لەسەرخۆ- مامناوەند دەبێت (10- 20) کیلۆمەتر لە کاتژمێرێک دەبێت، لە ناوچەکانی باشووری هەرێم کەمێک چالاکتر دەبێ و ئاراستەی با لە باکوری خۆرهەڵات بۆ باکوری خۆرئاوا دەگۆرێت.
کەشناسی ئەوەشی خستەڕوو کە پلەکانی گەرما کەمێک نزم دەبێتەوە بە (1-2) پلە بە بەراورد بە تۆمارکراوەکانى ڕۆژى پێشوو. هاوکات مەوداى بینین / ( 8 – 10) کیلۆمەتر دەبێت و لە کات و شوێنی دابارین لەنێوان ( 5 – 7) کیلۆمەتر دەبێت.
سەبارەت بە کەشوهەوای سبەی سێشەممەش کەشناسی ڕایگەیاند: کەشی ئاسمان ساماڵ و پەڵەهەور دەبێت و پلەکانی گەرما بەرز دەبێتەوە بە نزیکەی (1-2) پلە لە ناوچە جیاجیاکان بەراورد بە تۆمارکراوەکانی ئەمڕۆ دووشەممە.
ڕاشیگەیاند: خێرایی با لەسەرخۆ دەبێت (5 - 15) کیلۆمەتر لە کاتژمێرێک و ئاراستەی با لە باکوری ڕۆژئاوا و مەوداى بینین لەنێوان ( 9 – 10 ) کیلۆمەتر دەبێت.
کەشناسی بەرزترین پلەکانی گەرمای پێشبینیکراوی سبەی سێشەممەشی بە پلەی سیلیزی بەمشێوەیە خستووەتەڕوو:-
هەولێر : 26 پلەى سیلیزى
سلێمانی : 25 پلەى سیلیزى
دهۆک : 25 پلەى سیلیزى
کەرکووک : 29 پلەى سیلیزى
هەڵەبجە : 26 پلەى سیلیزى
زاخۆ : 25 پلەى سیلیزى
سۆران : 21 پلەى سیلیزى
گەرمیان : 30 پلەى سیلیزى
کۆمێنت (0)
تا ئێستا هیچ کۆمێنتێک نەکراوە.