دوو هاوژینی لاوی خەڵکی پیرانشار بە ناوەکانی مەهوەش تەوسلی و جووتیار ئەشرەفزادە لەلایەن هێزە ئەمنییەکانەوە دەستبەسەرکراون و چارەنووسیان نادیارە.
بەگوێرەی ڕاپۆرتی گەیشتوو بە ڕێکخراوی مافی مرۆڤی هەنگاو، ڕۆژی پێنجشەممە، 20 ى 10 ى 2022 هێزە ئەمنییەکان هێرشییان کردووەتە سەر ماڵی ئەو دوو هاوژینە و بە بەکارهێنانی توندوتیژی هەر دوویان دەستبەسەر کردوون.
هەتا کاتی داڕشتنی ئەم هەواڵە، بەدواداچوونی بنەماڵەکانیان لە ماوەی سێ ڕۆژی ڕابردوودا بۆ زانینی چارەنووس و شوێنی دەستبەسەرکرانی جوتیار ئەشرەفزادە و مەهوەش تەوسلی بێ ئەنجام ماوەتەوە و نازانرێت لە کوێ دەستبەسەرن.
کۆمێنت (0)
تا ئێستا هیچ کۆمێنتێک نەکراوە.