وەزارەتى خوێندنى باڵا و توێژینەوەى زانستىی، لە چوارچێوەى ڕێنماییەکاندا (11) پۆست لە زانکۆى زاخۆ بۆ جارى یەکەم ڕادەگەێنێت.
لە ڕاگەیەنراوێک وەزارەتی خوێندنی باڵا ڕایگەیاند: هەر کەسێک ئارەزووى هەیە و مەرجەکانى تێدایە دەتوانێت لە ماوەى دیاریکراودا پێداویستییەکانى پێشکەش بەم بەستەرەى خوارەوە بکات.
وەزارەتی خوێندنی باڵا پۆست و مەرجەکانی وەرگرتنی بەمشێوەیە خستووەتەڕوو:-
پۆستەکان:
1. هاریکارێ سەرۆکێ زانکویێ بۆ کاروبارێن کارگێرى ودارایی
2. هاریکارێ سەرۆکێ زانکویێ بۆ کاروبارێن زانستى
3. هاریکارێ سەرۆکێ زانکویێ بۆ کاروبارێن قوتابیان
4. راگرێ فاکوڵتیا زانست
5. راگرێ کولیژا کارگێڕى و ئابوری
6. راگرێ فاکوڵتیا زانستێن مرۆڤایەتی
7. راگرێ کولێژا ئەندازیارى
8. راگرێ کولێژا پزیشکى
9. راگرێ کولێژا پەروەردا بنیات
10. راگرێ فاکوڵتیا پەروەردە
11. بەڕێوەبەری گشتی سێنتەرێ توێژینەوەی زانستى
مەرجەکان:
- هەڵگرى بڕوانامەى دکتۆرا بێت.
- نازناوى زانستى لە پڕۆفیسۆرى یاریدەدەر کەمتر نەبێت.
- خزمەتى زانکۆیی لە دە ساڵ کەمتر نەبێت.
وەزارەتەکە ئاماژەی بەوە داوە کە ئەو بەڕێزەى داواکاری پێشکەش دەکات، باشترە دید و بۆچوون و بەرنامەى کاری خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکە وەردەگرێت.
ئاماژەی بەوەش داوە کە زانینی زمانى ئینگلیزى و شارەزایی لە بەکارهێنانى تەکنەلۆجیاى بوارى خوێندن و فێرکردن و کارایی بڵاوکردنەوەى توێژینەوەى زانستى، هەلى زیاتر بۆ پێشکەشکار دەڕەخسێنیت.
وەزارەتی خوێندنی باڵا باسی لەوەش کردووە کە دواکات بۆ پێشکەشکردن (سى ڤى یەکەى)، (پوختەى ڕاژەکەى)، ( یەکەمین فەرمانى زانکۆیی بەدەستهێنانى نازناوى زانستى (و ) لیستى ناو و ناونیشانى توێژینەوە زانستیە بڵاوکراوەکان ( کۆتایی دەوامى ڕۆژى شەممە ڕێکەوتى (2022/11/5) لەم بەستەرە (https://forms.gle/zew3tyQxchYsCrYh8) دەبێت.
ئەوەشی خستووەتەڕوو کە پێویستە پوختەى ڕاژەى لەلایەن سەرۆکایەتی زانکۆ پەسندکرابێت.
کۆمێنت (0)
تا ئێستا هیچ کۆمێنتێک نەکراوە.