ده‌سته‌ی كه‌شناسی و بوومه‌له‌رزه‌زانی عێراق ڕایگه‌یاند، سه‌رله‌ئێواره‌ی ئه‌مڕۆ سێشه‌م بوومه‌له‌رزه له شارێكی كوردستان ڕووی دا، به‌ڵام به‌هۆی نزمی پله‌ی له‌رزینه‌كه، هاووڵاتییان هه‌ستیان به زه‌وی له‌رزه‌كه نه‌كرد.
ده‌سته‌كه ڕایگه‌یاند: كاتژمێر 4:40ی ئه‌مڕۆ سێشه‌م بوومه‌له‌رزه له باشووری رۆژهه‌ڵاتی شاری مه‌نده‌لی سه‌ر به پارێزگای دیاله ڕوویداوه.
ڕاشیگه‌یاند: پله‌ی زه‌وی له‌رزینه‌كه 3.4 بووه به پله‌ی ڕێخته‌ر، به‌هۆی نزمی پله‌كه هاووڵاتییانی شاری مه‌نده‌لی هه‌ستیان به بوومه‌له‌رزه‌كه نه‌كردووه.
ده‌سته‌ی كه‌شناسی و بوومه‌له‌رزه‌زانی عێراق داواشی له هاووڵاتییان كرد ئاگاداری خۆیان بن و له هه‌واڵی ناڕاست و ناڕه‌وا خۆیان به دوور بگرن.
کۆمێنت (0)
تا ئێستا هیچ کۆمێنتێک نەکراوە.