سەرۆکی حکوومەتی هەرێمی کوردستان دوای ئەوەی 6 ملیار دیناری بۆ کەرتی پەروەردە تەرخان کرد، وەزارەتی پەروەردەی چۆنییەتی خەرجکردنی ئاشکرا دەکات.
وەزارەتی پەروەردەی هەرێمی کوردستان ڕایگەیاند: مەسرور بارزانی، سەرۆکی حکوومەتی هەرێمی کوردستان، 6 ملیار دیناری بۆ ناوەندەکانی خوێندنی وەزارەتی پەروەردە تەرخان کرد.
وەزارەتی پەروەردە ئاشکرای کرد کە ئەو بڕەپارەیە بەمشێوەیە خەرج دەکرێت:-
- بڕی 3 ملیار دینار بۆ دروستکردنی ژووری نوێی خوێندن لە ناوەندەکانی خوێندن لە وەزارەتی پەروەردە، ئێستا هەموو ڕێکارەکانی ئەندازەیی و کارگێریی و فەرمانی خەرجی دارایی بۆ دروستکردنی 184 ژووری نوێی خوێندن (هۆبە) تەواو بووە لەسەر بوودجەی ئاسایی بەڕێوەبەرایەتی گشتیی پەروەردەی پارێزگا و ئیدارە سەربەخۆکان، ئێستا دەتوانن دەستبەکاربن بۆ جێبەجێکردن.
- بڕی 3 ملیار دینار بۆ نۆژەنکردنەوەی (293) قوتابخانە کە ڕێکارەکانی ئەندازەیی و کارگێریی و فەرمانی خەرجی داراییان لەسەر بوودجەی ئاسایی بەڕێوەبەرایەتی گشتیی پەروەردەی پارێزگا و ئیدارە سەربەخۆکان تەواو بووە، ئێستا دەتوانن دەستبەکاربن بۆ جێبەجێکردن.
کۆمێنت (0)
تا ئێستا هیچ کۆمێنتێک نەکراوە.