ئه‌مڕۆ سێشه‌م بوومه‌له‌رزه‌یه‌كی به‌هێز و كاولكه‌ر به پله‌ی 6.8ی ڕێخته‌ر له شاۆچكه‌یه‌كی فیلیپین ڕوویداوه.
ده‌سته‌ی تۆماری جیلۆجی ئه‌مه‌ریكا بڵاوی كرده‌وه: دوای نیوه‌ڕۆی ئه‌مڕۆ سێشه‌م له كاتژمێر 2:59 به‌كاتی گرینیچ بوومه‌له‌رزه‌یه‌كی به‌هێز و كاولكه‌ر له شارۆچكه‌ی دۆلۆریس له وڵاتی فیلیپین ڕوویداوه.
ڕاشیگه‌یاند: زه‌وی له‌رزه‌كه به‌هێز بووه و به پله‌ی 6:8ی ڕێخته‌ر بووه.
هه‌روه‌ها ڕایگه‌یاند: به‌هۆی بوومه‌له‌رزه‌كه باڵه‌خانه و خانوویه‌كی زۆری هاووڵاتییان له شارۆچكه‌ی دۆلۆریس رووخاوه و زیانی به‌ركه‌وتووه.
تا ئێستا قه‌باره‌ی زیانه گیانی و مادییه‌كان به‌هۆی بومه‌له‌رزه‌كه نه‌زانراوه، به‌ڵام به‌هۆی به‌هێزی بوومه‌له‌رزه‌كه پێشبینی كراوه قوربانی زۆر هه‌بن.
کۆمێنت (0)
تا ئێستا هیچ کۆمێنتێک نەکراوە.