ده‌ست به‌ یارییه‌كانی گه‌ڕی دووه‌می خولی نایابی تۆپی ده‌ستی كوردستان ده‌كرێت

له‌ژێرچاودێری لێژنه‌ی ئۆلۆمپی هه‌رێمی كوردستان، به‌سه‌رپه‌رشتی یه‌كێتی ناوه‌ندی تۆپی ده‌ستی كوردستان، یارییه‌كانی خولی نایابی تۆپی ده‌ستی كوردستان بۆ وه‌رزی 2022  له‌سه‌ر ئاستی كوڕان بەردەوامە.
 كاتژمێر 2:30 ی پاش نیوه‌ڕۆی رۆژی هه‌ینی 28 ی 10 ی 2022، له‌هۆڵی كۆلێژی په‌روه‌رده‌ی وه‌رزشی زانكۆی سه‌لاحه‌ددین یانه‌ی هه‌ولێر میوانداری یانه‌ی سۆران ده‌كات، له‌هه‌مان ڕۆژ و كاتی ئاماژه‌ پێدراودا، یانه‌ی سلێمانی میوانداری یانه‌ی كه‌ركوك ده‌كات. 
بۆ ڕۆژی شه‌ممه‌ش 29 ى 10 ى 2022، له‌هۆڵی كۆلێژی په‌روه‌رده‌ی وه‌رزشی زانكۆی سه‌لاحه‌ددین یانه‌ی ئاڵا میوانداری یانه‌ی كۆیه‌ ده‌كات. 
له‌خولی نایابی تۆپی دەستی کوردستان، شه‌ش یانه‌ به‌شدارن و یارییه‌كانیش به‌شێوازی خول و به‌یه‌ك قۆناغ له‌ماوه‌ی پێنج گه‌ڕدا به‌ڕێوه‌ده‌چێت. 
لێژنه‌ی ئۆلۆمپی هه‌رێمی كوردستان له‌كاروچاڵاكییه‌كانی به‌رده‌وامه‌ به‌پشتگیری كابینه‌ی نۆیه‌می حكوومه‌تی هه‌رێمی كوردستان. 
راگه‌یاندنی لێژنه‌ی ئۆلۆمپی هه‌رێمی كوردستان
26 ی 10 ی 2022
هه‌ولێری پایته‌خت