د. کەمال کەرکووکی جەخت دەکاتەوە کە داستانی سحێلا داستانێکی گرنگ و پڕ شانازی بوو، بە سەرپەرشتی ڕاستەوخۆی سەرۆک بارزانی تۆمار کرا و بۆ ھەمیشەش لە مێژووی ڕووناک و پرشنگداری گەلەکەمان دەدرەوشێتەوە.
د. کەمال کەرکووکی سەرۆکی ئەنجوومەنی سەرکردایەتیی پارتی لە کەرکووك-گەرمیان لە پەیامێکدا سەبارەت بە داستانی سحێلا ڕایگەیاند: پێشمەرگەکانی کوردستان بە سەرپەرشتی ڕاستەوخۆی سەرۆک مەسعود بارزانی بۆ پاراستنی ھەرێمی کوردستان داستانێکی گرینگ و پڕ شانازییان تۆمار کرد.
دەقی پەیامەکەی د. کەمال کەرکووکی، سەرۆکی ئەنجوومەنی سەرکردایەتیی پارتی دیموکراتی کوردستان لە کەرکووك-گەرمیان:-
لە بەربەیانێکی زووی ڕۆژێکی وەکو ئەمڕۆ، پێش پێنج ساڵ، پێشمەرگە سەربەرزەکانی کوردستان لە بەرەی سحێلا ھەڵۆ ئاسا باوەڕ بە خۆ و بە خواو و بە ڕەوایەتیی پرسی کوردستان، فەرماندەیی فەرماندەکان و گشت فەرماندە و بەرپرس و پێشمەرگە قارەمانەکان لە سحێلا بە سەرپەرەشتیی ڕاستەوخۆی ڕێزدار جەنابی سەرۆك کاك مسعود بارزانی، بۆ پاراستنی ھەرێمی کوردستان داستانێکی گرینگ و پڕ شانازییان تۆمار کرد کە بۆ ھەمیشە لە مێژووی ڕووناک و پرشنگداری گەلەکەمان دەدرەوشێتەوە.
داستانی پردێ و داستانی سحێلا پیلانی خیانەتکارانی 16ـی-ئوکتۆبەر و ماسکی دەموچاویانی ھەڵماڵی و مێشکی نەخۆشی داگیرکەرانی لە گۆڕ نا و پایتەخت و ھەرێمی کوردستانیان پاراست.
سڵاو لە ڕوحی پاکی شەھیدانی سحێلا
سڵاو بۆ فەرماندەیی فەرماندەکان و گشت فەرماندە و پێشمەرگەکانی داستانی سحێلا
دکتۆر کەمال کەرکووکی
سەرۆکی ئەنجوومەنی سەرکردایەتیی
کەرکووک-گەرمیان
کۆمێنت (0)
تا ئێستا هیچ کۆمێنتێک نەکراوە.