جێگری سەرۆكی پۆلیسی دوبەی داوا لە خامنەیی دەكات دەستبەرداری سیاسەت بێت

لیوا زاحی خەلفان، جێگری سەرۆكی پۆلیسی دوبەی، ڕۆژی هەینی، داوای لە عەلی خامنەیی، ڕێبەری باڵای شۆڕشی ئیسلامیی ئێران كرد، خوێنی ئێرانییەكان بپارێزێت و دەستبەرداری سیاسەت بێت.
خەلفان لە زنجیرە تویتێكدا لە ڕێگەی هەژماری تایبەتی خۆی لە تۆڕی كۆمەڵایەتی تویتەر ڕایگەیاندووە: هیوای من لە ئایەتوڵڵا عەلی خامنەیی ئەوەیە كە دەستبەرداری سیاسەت بێت و ئەو سیستەمە هەڵبوەشێنێتەوە كە بەم شێوەیە خەڵك ناڕەزایی لە دژی دەردەبڕێت .
خەلفان دەشڵێت: هیوادارم ئومێدەكەم بگەیەنرێتە خامنەیی و ئەویش لێی ئاگادار بكرێتەوە، ڕەنگە لە كۆتایی تەمەنیدا بە نەڕشتنی خوێنی هاووڵاتیانی وڵاتەكەی، درك بە ڕاستی ئەو شتانە بكات كە ئێمە هیوامان پێدەخواست .
خەلفان لە درێژەی قسەكانیدا دەڵێت: لە خودا بترسن ، چونكە دونیا شایەنی ئەوە نییە.