ئاراس جەبار، شارەزای بواری كەشناسی بڵاویكردۆتەوە كە ئەمڕۆ یەكشەمە كەشی هەرێمی كوردستان بە سەقامگیری ئەمێنێتەوە و پلەكانی گەرما جێگیر ئەبن .
هەروەها دەڵێت: لە بەرەبەیانی سبەی دووشەمە 31-10-2022 تا كاتەكانی ئێوارەی رۆژی سێشەمە 1-11-2022 لە ئەنجامی هاتنەوەی بارستە هەوایەكی شێدار لەدەریایی سوور بە ئاراستەی ناوچەكانمان ناسەقامگیری كەشوهەوا دەستپێدەكاتەوە كە خۆی لە چالاكبوونی هەورە تریشقە و تاوە بارانی پچڕ پچڕدا ئەبینێتەوە لەهەندێك كاتدا ، بەتایبەتیش لە ناوچەكانی سنوری پارێزگای سلێمانی و هەڵەبجە و باكوری ئیدارەی گەرمیان كاریگەری زیاتر ئەبێت و لەنێوان 2 تا 15 ملیممەتر زیاتر ئەگەری بارانبارین ئەبێت بەجیاوازی ناوچەكان .
هاوكات سەبارەت بەناوچەكانی دیكەی هەرێمی كوردستان دەڵێت: بەگشتی حاڵەتەكە لاوازە و ئاسمان زیاتر دەگۆرێت بۆ نیمچە هەور لەگەڵ ئەگەری نمە باران بۆ بارانێكی كەم و ڕوودانی هەورە بروسكەدا لەهەندێك كات و ناوچەدا.
کەشى پێشبینیکراوى 48 کاتژمێرى داهاتوو
ئەمڕۆ یەک شەممە 30- 10- 2022
کەش/ ئاسمان ساماڵ و پەڵە هەور دەبێت , سنوورى پارێزگاى سلێمانى ئاسمانى لەپاش نیوەڕۆ و ئێوارە دەگۆڕێت بۆ نیمچە هەور .
خێراى با / لەسەر خۆ- مام ناوەند دەبێت (10- 15) کم/ک
ئاراستەی با/ باشووری خۆرهەڵات دەبێت .
پلەکانی گەرما / جێگیرە .
مەوداى بینین / ( 9 – 10 ) کم دەبێت .
پلەکانی گەرما / لەسەر نەخشەدا ئاماژەیان پێدراوە .
سبەی دووشەممە 31- 10 - 2022
کەش/ ئاسمان بە گشتی نیمچە هەور دەبێت , لە بەشێک لە ناوچە شاخاوییەکان ئاسمان هەورى تەواو دەبێت , لە سنوورى پارێزگاى سلێمانى لە سەر بەشێک لە ناوچەکان ئەگەرى نمە باران هەیە , ناوچە شاخاوییە سنوورییەکان ئەگەرى نمە بارانى زیاترە.
پلەکانی گەرما / جێگیرە .
خێراى با / لەسەر خۆ- مام ناوەند دەبێت (10- 15) کم/ک
ئاراستەی با/ باشووری خۆرهەڵات دەبێت .
مەوداى بینین / لەنێوان ( 8 – 10 ) کم دەبێت .
بەرزترین پلەکانی گەرمای پێشبینیکراو بە پلەی سیلیزی :
هەولێر : 27 پلەى سیلیزى
سلێمانی : 25 پلەى سیلیزى
دهۆک : 26 پلەى سیلیزى
کەرکوک : 27 پلەى سیلیزى
هەڵەبجە : 25 پلەى سیلیزى
زاخۆ : 26 پلەى سیلیزى
سۆران : 25 پلەى سیلیزى
گەرمیان : 30 پلەى سیلیزى
بەشى پێشبینى / 30- 10 - 2022
کۆمێنت (0)
تا ئێستا هیچ کۆمێنتێک نەکراوە.