سێری ئا.. تۆرینۆ لە ئەی سی میلانی بردەوەو ژماره‌یه‌ك یاری دیكه‌ش له‌خوله‌كه‌ به‌رێوه‌چوو

لە گەڕی 12هەمینی خولی تۆپی پێی ئیتاڵیا (سێری ئا)، یانەی ئەی سی میلان رووبەڕووی یانەی تۆرینۆ، بووەوە.

یاریزان کۆفی دجیدجی لە خولەکەکانی35 و 37دا، دوو گۆڵی یەک لە دوای یەکی بۆ یانەی تۆرینۆ تۆمار کرد و نیوەی یەکەمی یارییەکە بە ئەنجامی 2-0 کۆتایی هات.

لە نیوەی دووەمی یارییەکەشدا و لە خولەکی 67دا، یاریزان جونیور مێسیاس گۆڵێکی بۆ یانەی میلان تۆمار کرد و یارییەکە بە ئەنجامی 2-1 لە بەرژەوەندی تۆرینۆ کۆتایی هات.

بەم ئەنجامەش یانەی تۆرینۆ ژمارەی خاڵەکانی بۆ 17 خاڵ بەرز کردەوە و گەیشتە ریزبەندی نۆیەم. لە بەرامبەریشدا، یانەی ئەی سی میلان دووەم شکستی ئەم وەرزەی تۆمار کرد و بە 26 خاڵ لە ریزبەندی سێیەمی یانە ئیتاڵییەکاندا مایەوە.

لە یارییەکی دیکەشدا، یانەی ئاتالانتا رووبەڕووی یانەی ئێمپۆلی بووە و یارییەکە بە ئەنجامی 2-0 لە بەرژەوەندی ئاتالانتا کۆتایی هات.

بەم ئەنجامەش یانەی ئاتالانتا، ژمارەی خاڵەکانی بۆ 27 خاڵ بەرز کردەوە و گەیشتە ریزبەندی دووەمی یانە ئیتاڵییەکان.

لە سێ یاری دیکەی سێری ئادا کە دوێنێ بەڕێوەچوون، ئەنجامەکان بەم شێوەیە بوون:

کرێمۆنێسێ 0-0 ئودینێسی 

سپێزیا  1-2 فیۆرێنتینا 

لاتسیۆ  1-3 سالێرنیتانا