خاتوو جینین هێنیس- پلاسخارت، نوێنەری تایبەتی سكرتێری گشتی نەتەوە یەكگرتووەكان لە عێراق ئەمڕۆ سێشەممە دووپاتیكردەوە كە گەندەڵی دژی پێشكەوتن و گەشەسەندنی عێراق وەستاوەتەوە.
لە وتارێكدا لە میانی كۆڕبەندی ڕۆژهەڵاتی ناوەڕاست 2022 كە لە هەولێر بە ناونیشانی "عێراق بۆ هەمووان" بەڕێوەچوو، بە بەشداریی سیاسەتمەداران و توێژەرانی ناوەوە و دەرەوەی عێراق، پلاسخارت ڕایگەیاند :گەندەڵی گەورە لە عێراق هەیە، كە گەورەترین تەحەدایەو دژی پێشكەوتن و گەشەسەندنی عێراق وەستاوەتەوە.
ئاماژەی بەوەشكرد كە نەتەوە یەكگرتووەكان پاڵپشتی لە بەهێزكردنی پەیوەندی نێوان بەغدا و هەولێر دەكات.
هەروها گوتیشی: ناتوانم بۆردومانەكانی توركیا و ئێران بۆ سەر عێراق بوەستێنم، هەروەها ناتوانین ناوچەی دژە فڕین دابمەزرێنین، بەڵام پێویستە حكومەتی هەرێم و حكومەتی عێراق و باقی لایەنە سیاسییەكان یەكبگرن بۆ ڕووبەڕووبوونەوەی ئەو تەحەددایانە.
پلاسخارت : نەتەوە یەكگرتووەكان پاڵپشتی لە بەهێزكردنی پەیوەندی نێوان هەولێر و بەغدا دەكات
100%
کۆمێنت (0)
تا ئێستا هیچ کۆمێنتێک نەکراوە.