ده‌ست به‌ یارییه‌كانی گه‌ڕی سێیه‌می خولی نایابی تۆپی ده‌ستی كوردستان ده‌كرێت

له‌ژێرچاودێری لێژنه‌ی ئۆلۆمپی هه‌رێمی كوردستان، به‌سه‌رپه‌رشتی یه‌كێتی ناوه‌ندی تۆپی ده‌ستی كوردستان، یارییه‌كانی خولی نایابی تۆپی ده‌ستی كوردستان بۆ وه‌رزی 2022  له‌سه‌ر ئاستی كوڕان بەردەوامە.
 كاتژمێر 2:30 ی پاش نیوه‌ڕۆی رۆژی هه‌ینی 4 ی 11 ی 2022، له‌هۆڵه‌كه‌یدا یانه‌ی سۆران ده‌كات میوانداری یانه‌ی كه‌ركوك ده‌كات،  له‌هه‌مان ڕۆژ و كاتی ئاماژه‌ پێدراودا، یانه‌ی سلێمانی میوانداری یانه‌ی ئاڵا ده‌كات. 
بۆ ڕۆژی شه‌ممه‌ش 5 ى 11 ى 2022، كاتژمێر 2:30 ى پاش نیوه‌ڕۆ یانه‌ی كۆیه‌ میوانداری یانه‌ی هه‌ولێر ده‌كات. 
له‌خولی نایابی تۆپی دەستی کوردستان، شه‌ش یانه‌ به‌شدارن و یارییه‌كانیش به‌شێوازی خول و به‌یه‌ك قۆناغ له‌ماوه‌ی پێنج گه‌ڕدا به‌ڕێوه‌ده‌چێت. 
لێژنه‌ی ئۆلۆمپی هه‌رێمی كوردستان له‌كاروچاڵاكییه‌كانی به‌رده‌وامه‌ به‌پشتگیری كابینه‌ی نۆیه‌می حكوومه‌تی هه‌رێمی كوردستان. 
راگه‌یاندنی لێژنه‌ی ئۆلۆمپی هه‌رێمی كوردستان
2 ی 11 ی 2022
هه‌ولێری پایته‌خت